نكت ولا احلي من هيك اشاء الله تعجبكم

من طرف **Salah** الأحد مارس 15, 2009 11:06 pm

1.
مره توني بلير و بوش و حسني مبارك عمله ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام حسني مبارك امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيهم
------------------------------
2.مره مبارك قال إبليس قولى بقى اعمل ايه تانى فى الشعب
قاله فى ودنه شش
قاله لا قديمه قولى حاجه تانيه
قاله شش
قاله برده قديمه
قاله امال انت عملتلهم ايه؟
مبارك قاله فى ودنه شش
الشيطان قاله يا شيخ اتقى الله
قرر الشيطان هجرة مصر؟ فبسرعه راحوله المصريين وقالوله:أرجوك ماتمشيش هاتلاقي فين زينا كذابين ومنافقين وعاوزين يروحو النار؟ قالهم أنتوا ماتستهلوش!!!! الواحد منكم يجيني شحات وحافي أخليه يسرق عشان ياكل ويلبس ويغش عشان يتخرج بامتياز ويزور في الانتخابات ويرشي عشان يبقي عضو مجلس شعب وأول مايبقي (ريس) ألاقييه معلق وراه (هذا من فضل ربي )
--------------------------------
3.رة حسني مبارك نزل متنكر هو ونظيف وركبوا طاكسي فبيسالو السواق أنت إيه رأييك في الحكومة قالهم كلهم حرامية ومفتريين وقالو طب إيه راييك في البرلمان قالهم كدابين ومنافقين .كل ده والريس زعلان أوي , فقام نظيف وسأل السواق طب إيه رأييك في نظيف ومبارك , قالو السواق الأول ** والُثاني ** , وقبل ما يخلص كلامة لقى الريس خلاص كشف نفسه ووشو مليان غضب ,
راح السواق كمل كلامه وقال والثالت ما بيشتغلش , إيه العربية الزبالة دي
--------------------------------
4.جماعة صحفيين بلدياتنا راحوا يعملوا تحقيق حول اغتيال السادات ، فقابلوا واحد مسؤول وسألوه : عايزين نعرف هو مات كِيف .
قال لهم : والله كنا قاعدين ، جم ناس ممعاهم سلاح وضربوا النار على الكل ، والرصاص جه فيه فمات .
قعدوا يهرشوا في دقنهم وقالوا له : يعني نفهم من كده إنه مات مسموم؟
-----------------------------------
5.واحد مسطول سطيـــــــــــــــحه .. دخل امتحان عربي ... جاتله في
الورقه :
اذكر معني الجمل الاتية :
1- ( سور الصين العظيم )
2- ( مرض جنون البقر )
اخينا تنح شويه ... وبعدين راح قايل ....
اجابة البتاعه الأولانيه ( سور الصين العظيم )
سور : هو البتاع اللي بينط من فوقه الحرامي عشان يخش البيوت ويسرق
الصين : نوع من انواع الادوات المنزليه ... بس نوع مفتخر ... الطقم بيوصل ل 100 جنيه في العتبه
العظ : لما بيخش عليك حيوان بيعمل كده ... واشهر حيوان معروف بالحاجه دي ... هو الكلب
يم : تقريبا والله أعلم ... بحر او حاجه كده
يعني الجمله كلها معناها -----
لما ينط حرامي من فوق سور ... عشان يسرق طقم صيني .... الكلب هايعضه .. في البحر
اجابة البتاعه التانيه ( مرض جنون البقر )
مر : دي الحاجه اللي طعمها بيجيب مراره في الحلق
..... ويخليك تفصل دماغك قوام
ض : تقريبا حاجه زياده ... شوية حبر في الورقه ولا حاجه ... مالهاش لازمه من الاعراب
جن : اللهم احفظنا من العفاريت والجن والحركات دي يارب ... احنا ناقصين مزاوله
ون : دي اصلا انجليزي ... ومعناها ( رقم واحد ) ... لغات انا برضه
ألب : دي جبال موجوده في بلاد بره ... وجبال عاليه قوي ... بتاع 200 كيلوجرام فوق سطح برج الجزيره
قر : اختصار لكلمة ( قرنفل ) ...
يبقى معنى الجمله دي ------
المراره لما تجيلك .. هات جني ( نمبر وان ) .. عشان يطلع جبال الألب ... ويجيبلك قرنفلايه
------------------------------------
6.مسطول شاف لوحة على محل انترنت مكتوب عليها "الساعة بعشرة جنيه" دخل للمحل وقال "هي ضد الميه"
-------------------------------------
7.سواق تاكسي قعدت جنبه بنت حلوة قوي قاللها : تعرفي تسوقي؟
قالتله : لأ
قالها : أنا تسوقي.
------------------------------------
8.عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!
----------------------------------
9.مرة ديناصور بيقول لديناصورة هاتى بوسة قالتلوا لا قالها عشان كدة احنا انقرضنا
----------------------------------
10.مرة مدرس عربى سأل التلميذ ما معنى كلمة سبيل اجاب طريق سأله ما معنى
سلسبيل اجاب طرطريق
----------------------------------
11.حرامي ( ندل ) دخل بيت .. ما لقاش شيء يسرقه ... اتصل على أمريكا ووساب السماعة مرفوعة !!!
---------------------------------
12.اتنين اندال ماشيين حبوا يشوفوا مين منهم اكتر ندالة من التانى
الأولانى شاف ست عجوزة راح رفسها في بطنها
و قال للتاني شفت النداله ؟
التانى قاله:انا اندل منك لان دى امى
ندل صور أبوه وهما بيدفنوه فيديو وكل يوم يفرج الشريط لأمه!!
-----------------------------------
13.واحد نشر في إعلانات مبوبة :مطلوب زوجة!!! تاني يوم جاله 100 جواب
فيهم نفس الرد: تاخد بتاعتي؟؟
-----------------------------------
14.واحد بيقول لمراته ... انا النهاردة عايز رومانسية فى البيت ... راحت
الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز
-------------------------------------
15.- واحد بيسال البياع انت عنك ملوخية خضراء رد عليه نعم قاله مافيش الوان تانية ........ بايخة و قديمة عارف
- الصديق: هل المشاجرات بينك و بين زوجتك مازالت مستمره ؟
الزوج: المهم أنني في النهاية أكون صاحب القرار النهائي
الصديق: كيف ذلك؟
الزوج: لأنني في النهاية دائما أقول لها افعلي ماتشائين
--------------------------------------
16.اثنين مصريين سمعهم ثقيل جداً واقفين على محطة الاتوبيس ودار بينهم الحوار التالي
الأول : الاتوبيس ده بيروح مــصر الجديدة؟
الثاني : على الحديدة !!... ليه انت طالب احسان ؟
الأول : بذرة الكتان !! لا ..دي تلاقيها عند العطار
الثاني : جزار!! اه ..قوللي كده .. عايز تشتري لحمة
الأول : معك حق.. الدنيا زحمة ..علشان ده ميعاد خروج الموظفين
الثاني : نور الدين !! لا والله .. ماعرفوهش
الأول : ما بتشربوش!! ليه ..كفا الله الشر
الثاني : رأس البر !!! ..ده مــصيف هادي
الأول .: عايز تركب للمعادي... دي منطقة جميلة
الثاني : بليلة !! انت شكلك كده جعان
الأول : عيان!!! أي والله .انت باين عليك عيان ..طيب ما تروح للدكتور
الثاني: الحنطور!! ده احسن من الأتوبيس ، وبيوصلني لحد الباب
ههههههههههههههههههههههههه
الأول : هبــــاب !!! وانا اللي كنت فاكرك محترم
الثاني : اتخـرم !! هو مين ؟؟ هههههههههههههههه
الأول : عاوز اسـبرين ! ليه انت عندك صداع ؟
الثاني : قراع !!! ينهار اسود . ده مرض خطير
الأول : فطير !!! لا والله مش عايز. وبعدين مش بأحب الفطير. تقيل على المعدة وتمنه غالي
الثاني: خالي !!! انت تعرف خالي ؟ ده راجل كبير في السن
الأول : الجن !!! نهارك مش فايت ..انت عليك عفريت .!؟
الثاني : لا والله ..ممعاييش.. انت عايز الكبريت ليه ؟ عايز تولع؟
الأول : أدلع !!! أدلع عليك انت!؟ انت ما تملاش عنيا
الثاني : يقبضوا عليا !! ليه !؟
الأول : انت غريب يا راجل انت..شكلك شحات ، ( يدفعه من القميص) روح اشتغل شغلة تاكل منها عيش
الثاني : خيش !!! والله ده صوف انجليزي
الأول: بنتك زيزي !!! ربنا يخلي...
الثاني : أنتاج محلي !!!! ده مستورد ههههههههههههههههههه
يمر شاويش ... يلفت انتباه الحوار، : بتعمل ايه يا جدع منك له!!!
الاتنين: ايوة يا شاويش ...احنا مستنين الأتوبيس
الشاويش :جواسيس !!!! نهاركم مش فايت ....قدامي على القسم بسرعة
- بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!
- مره ثلاثه بلدياتنا متغاظين من التقدم العلمى بتاع امريكا
الاول: امريكا طلعت القمر احنا لازم نطلعوه زييهم
الثانى: لع احنا نتفوج عليهم ونطلع الشمس
الثالث : مجنون انته وليه د حنا نتحرج
الثانى: مش راح نتحرج ولا حاجه يا جفل منك له
الاول والثالث: لييييييييييه
الثانى : راح نطلعو بليل

ولا تنسونا من خير الدعاء

من طرف سفير الغرام السبت مارس 06, 2010 8:02 pm

مشكور والله نكت اكتير بضحك[center]

نكت ولا احلي من هيك اشاء الله تعجبكم

نكت ولا احلي من هيك اشاء الله تعجبكم

رد: نكت ولا احلي من هيك اشاء الله تعجبكم